Viber-ն առաջին տեղն է գրավել «ամենից հետաքրքրասեր» հավելվածների շարքում: Ըստ Informing.ru-ի, հրապարակվել է հավելվածների ցուցակը, որն օգտատերերի անձնական տվյալների մասին մյուսներից ավելի շատ հարցում է կատարում: Ամենից «հետաքրքրասեր» հավելվածներ են ճանաչվել AntiVirus Security-ն, Facebook-ը, WhatsApp-ը, Viber-ը եւ Skype-ը: Հետազոտության հեղինակներն աղյուսակ են կազմել՝ առանձին սյունակներում ներկայացնելով հավելվածում կոնտակտների, միկրոֆոնի, հաղորդագրությունների, ինչպես նաեւ զանգերի առկայության մասին տվյալները: Փորձի հեղինակների կարծիքով, ամենից «հետաքրքրասերը» հակավիրուսային ծրագրերն են, ինչպես նաեւ տարատեսակ մեսենջերները: Vocativ ռեսուրսի շնորհիվ օգտատերերը կարող են ուսումնասիրել Google Play-ի հավելվածների ցանկը: Դրանց շարքում առաջին տեղում հայտնվել է Viber-ը, որն անձնական տվյալների հավաքմամբ շրջանցել է նույնիսկ Facebook սոցիալական ցանցին: