«Հայկական ժամանակ» թերթը գրում է. ««Քլաբ 12»-ը փակվել է հարկային օրենսդրության պահանջները չկատարելու պատճառով: Այս մասին, ի պատասխան մեր գրավոր հարցման, տեղեկացնում են ՀՀ Ֆինանսների նախարարության տեղեկատվության եւ հասարակայնության հետ կապերի բաժնից: ՖՆ-ից մեզ հայտնել են, որ «Զանզիբար» ՍՊԸ-ում, որը հենց «Քլաբ 12»-ը գործարկող  ընկերությունն է, նախարարության օպերատիվ հետախուզության վարչությունը ստուգումների արդյունքում դեկտեմբերի 12-ին արձանագրել է 19 վարձու աշխատող, որոնք ՀՀ օրենսդրությամբ սահմանված կարգով ձեւակերպված չեն եղել: Արդյունքում՝ ընկերությանը համապատասխան ակտով վճարման է առաջադրվել 11 մլն 400 հազար դրամ եկամտային հարկի գումար: «Քլաբ 12»-ում նաեւ արձանագրվել է հսկիչ-դրամարկղային մեքենաների շահագործման կանոնների խախտում եւ նշանակվել տուգանք՝ 300 հազար դրամի չափով: Աբովյան 1 հասցեում գործող «Քլաբ 12»-ը մայրաքաղաքի երիտասարդության եւ երաժշտասեր հասարակության ամենանախընտրելի ակումբներից էր»։

Առավել մանրամասն՝ թերթի այսօրվա համարում