Երբ իսկապես երջանիկ ես լինում, լինում է մեկը, ում համար սիրտդ ցավում է, որովհետև դու քո երջանկությամբ նրան ցավ ես պատճառում: Երբ իսկապես սիրում ես, սրտիդ մի անկյուն դատարկ է մնում, որովհետև քո սերը կարող էր ինչ-որ մեկի երջանկության գրավականը լինել: Երբ աչքերդ նայում են մեկին սրտի թրթիռով, հասկանում ես, որ մեկը քեզ է նայում հեռվից՝ գլուխը խոնարհած:Երբ դու ամեն օր քայլում ես այն ճանապարհով, որն անցնում է սիրելիիդ տան մոտով, հասկանում ես, որ ինչ-որ մեկն էլ ամեն օր ձեր տան կողքով է անցնում:Երբ դու աշխարհդ նվիրում ես ինչ-որ մեկին, մեկ ուրիշից խլում ես իր աշխարհը: Երբ եկեղեցում Աստծուն աղոթում ես սիրուդ համար, ինչ-որ մեկը աղոթում է քո ուշադրությունը ստանալու համար:Երբ վայելում ես աշունն ու անձրևը՝ տեսնելով դրա ողջ գեղեցկությունը, ինչ-որ մեկի հոգին անձրևում է՝ վախենալով տերևի պես քամուց քշվելուց:
Իրականում ամեն երջանկության հիմքում ինչ-որ չափով դժբախտություն կա: |